Монсис системийн статистик мэдээллийн шинэ сайттай боллоо

эх сурвалж: http://www.orloo.info/

Нийтлэгдсэн огноо 2012-8-7, Мягмар гариг, 9:11

Бичсэн М.Бүжил

Монгол улсын үндэсний статистмкийн хороо БНСУ-ын статистикийн газартай хамтран энэ оны 4 сараас эхлэн 3 сарын хугацаанд “Статистикийн мэдээллийн сангийн менежмент, үйлчилгээний систем-Монсис” төслийг амжиллтай хэрэгжүүлж өнөөдөр онлайн мэдээллийн санг нээж байна.

Солонгос улс нь статистик бүртгэлийн сангийн чадавхи болон үйлчилгээгээр дэлхийд дээгүүр ордог бөгөөд Корсис гэх өөрсдийн системтэй аж. Төслийн хүрээнд БНСУ-ын засгийн газрын санхүүжилтээр онлайн мэдээллийн сангийн удирдлага, тархаалтын системийг боовсруулж, статистик мэдээлэл хэрэглэгчдэд мэдлэг болгон хүргэх зорилготой ажиллажээ. Монголын үндэсний статистикийн хорооны онлайн мэдээллийн сан байдаг ч  монсис системийн www.1212.mn нь 25 гаруй салбарын 400 гаруй статистик үзүүлэлтээс сонголтоо хийн хүснэгтэн болон график хэлбэрээр харахаас гадна өөрийн хүссэн форматаар татаж авах боломжтойгоор давуу талтай юм. МҮСХ-ны дарга С.Мэндсайхан “цаашлаад 21 аймаг 9 дүүргийн төв мэдээллийн баазтай холбогдон, түргэн шуурхай мэдээлэл хүргэх зорилготой байна” гэдгийг нэмж хэллээ. Мөн 1212 дугаарт утасны лавлах тун удахгүй ажиллах байна.